Ek plaas die brief presies soos dit aan die NGK en sy predikante gestuur is. Ek het geen veranderinge, hoegenaamd, aangebring nie. Ek sien uit om u menings aan te hoor. Renier Lourens.
OPE BRIEF aan NG KERK MODERATUUR, KERKBODE, EVANGELIESE INISIATIEF, HOëVELD RING en NG MOEDERGEMEENTE SECUNDA 3 Maart 2010
BESWAAR TEEN WêRELDSE (KOMPROMIEë IN) NG KERK
Opgestel deur Johann Coetzee, ‘n gelowige van die Here Jesus Christus en lid van die Ware kerk van God. Ek skryf hierdie brief in alle opregtheid, baie bewus van my eie tekortkominge. Hierdie brief is met verskeie ander gelowiges getoets en word deur hulle ondersteun. Die wêreldse kompromieë word nie beredeneer nie aangesien genoeg ander verwysings daarvoor bestaan, maar die klem van die beswaar gaan oor dat die misleiding beveg moet word. Mag God ons genadig wees!
SAMEVATTING
Agtergrond. Die afgelope tyd kom die Nederduitse Gereformeerde Kerk (NGK) al meer in die nuus oor omstrede sake soos aanvaarding van gay leraars met seker voorwaardes. Wat is dit anders as wêreldse kompromieë wat met drukgroepe binne die kerk aangegaan word. Die invloed van die “Emerging “ kerk op die leringe en sieninge v an NG leiers en teoloë word al meer sigbaar. God se onfeilbare Woord, die Bybel, word twyfelagtig/ ongeloofwaardig gemaak, wat die fondament van die Christelike geloof wegneem. Is die sinodale leiding dié van ‘n kerk wat naby sy Here lewe? Of is dit die valse kerk wat nie meer aan Christus gebonde is nie, wat die NGK daadwerklik behoort te beveg? Die Skrif is duidelik oor VALSE LERAARS, soos in 1 Joh 4:6.
Ek wil my beswaar teen hierdie wêreldse kompromieë duidelik op skrif stel, dat dit direk teenstrydig met die Skrif is en teen die leiding van die Heilige Gees, en ook die kerk se eie belydenisskrifte. Dit kom nie van God af nie, want sy skape KEN sy stem en reageer daarop! As verwysing vir my beswaar het ek vier tipe bronne gebruik, naamlik die Skrif, die NGK se eie belydenis, ‘n NGK preek en openbaringe aan gelowiges.
Alhoewel die fokus op die dwaalleringe gerig is, kan ‘n soortgelyke beswaar gelewer word teen sommige NGK gemeentes se neigings na en stilswye oor wêreldse kompromieë. NGK gemeentelede hoor hierdie neigings vanuit die media. Stilswye van gemeentes dui op aanvaarding van die “verkeerdhede”, en is moontlik die grootste probleem op plaaslike vlak. Dit is ‘n duidelike aanwyser of gemeentes streef na Ware kerkwees of wêreldse kompromieë aanhang!
Wat sê die Skrif oor die Ware kerk? Die ware kerk sluit in: Die ware belydenis is Jesus Christus – 1 Joh 4:1-3; Ware kennis van God is deur geloof , nie deur geleerdheid nie – 1 Kor 1: 21; Die ware voorbeeld van kerkwees is Jesus – Mat 12: 18-21; Die ware hart van die kerk is barmhartigheid – Mat 9:13; Ware rykdom is skatte in die hemel – Mat 10:20-21; Die ware gebod is liefde – Mat 22:36 – 40; Die ware Koninkryk is die wil van God – Mat 6: 33; Die ware prys vir die evangelie is vervolging em misleiding Mat 24:9-14.
JESUS se bediening was ‘buite’ die kerk van sy tyd. Hy het nie die ondersteuning van die kerk geniet nie – inteendeel, Hy het die wroeginge op die hals gehaal omdat Hy geen kompromieë aangegaan het nie, gehoorsaam aan die Vader! JESUS se optrede teenoor die KERK het duidelik valsheid/ onsuiwerheid uitgewys. Die kerkleiers was goed opgelei in die Skrifte en het geweet wat dit beteken, maar helaas het hul die gebruike rondom die gebooie hoër geag as die Een wie se gebooie dit was. Jesus se waarskuwing is des te meer van toepassing op die hedendaagse kerk, sy leiers en sy lede. Nie almal wat sê ‘Here, Here’ gaan in die Koninkryk wees nie: Mat 7:21-23.
Wat bely die NGK? Om te bepaal of ‘n kerk sy doel bereik, kan na die uitlewing van die kerk se belydenis gekyk word. Die verskillende belydenisskrifte toon aan dat dit ooreenkomstig die Skrif is, maar helaas nie suiwer geleef word nie. Dit sluit onder andere in die Twaalf Artikels van die Algemene Ongetwyfelde, Christelike Geloof, die Drie Formuliere van Eenheid (Nederlandse Geloofsbelydenis, die Heidelbergse Kategismus, en die Dordtse Leerreëls).
Die stelling/ vraag wat met sakramente en belydenisse gevra word is ‘n aanklag : “Glo u dat die Heilige Skrif die Woord van God is en die ware en volkome leer van die saligheid is?” Die gevolgtrekking kan gemaak word dat die NGK se belydenis ooreenkoms die Skrif is. Maar hierdie geloofstelling word in al groter mate betekenisloos met agenda’s, besluite en uitsprake van sinodes en teoloë.
Drie tipe kerke. Daar is drie tipe mense, die ongereddes, die wêreldse christene en die geesvervulde christene. Indien die kerk as ‘n versameling van hierdie tipe mense gesien word, bestaan daar dus ook drie tipe kerke, die wat nie Christus as Weg erken nie, die wat wêreldse Christelike kerke is en die wat geesvervulde of –geleide Christelike kerke is. Die kenmerke van die wêreldse Christelike kerk het die eienskappe van die wêreldse christen naamlik lewe in sonde (breek nie daarmee nie), het afgode, en is nie geesvervuld nie! Is dit nie waar die NGK met sy kerkleiers haar tans bevind nie – wêreldse kerk? Net Christus is die Leier. Die Here is nie te vinde dat sy kerk wêrelds is nie – Jesus waarsku teen die skrifgeleerdes en Fariseërs Mat 23:1-11
Openbaringe aan gelowiges. Daar is baie openbaringe wat die Here aan sy kinders maak – baie daarvan is in die vorm van waarskuwings. ‘n Onlangse openbaring verwys aan Bernada Fernandez oor haar besoek aan die “ander wêreld”. Natuurlik kan daar baie gesê word oor die geldigheid daarvan, maar die boodskap daarvan is in ooreenstemming met die Skrif en dus vir my geldig. Ons moet ter harte neem van die sonde waarteen gewaarsku word. Dit sluit spesifieke waarskuwings aan kerkleiers in wat hul waarsku om suiwer te lewe en so ook die kerk.
So het die Here ook met my gepraat oor die dwalings van die kerk. Hy het bevestig dat sy Gees in mense lewe; sy kerk in die harte van mense is, daar waar mense Hom wil hê. ‘Het die kerk nou groter geword as sy Heer? Was hy maar koud of warm – nou’s hy lou en Ek gaan hom uit my mond spuug! Hou jy by wat jy geleer het.’ Daar is ook musiek oor die valsheid in die kerk soos die CD Plastiekkansel van die sanggroep Prophet. Hul inspirasie is uit 2 Tim 4:3, 4, en sluit hul eie vertaling daarvan in: “In die laaste dae sal die tempelmafia die ore streel & harte in plastiek verander…”; … en o die hart is siek!” klink die refreim van een van die liedjies.
Wat beteken dit? Die valse kerk of wêreldse Christelike kerk bestaan werklik – net soos in Jesus se tyd, is dit vandag ook inherent deel van die huidige kerkstrukture. Ons moet daarteen waak en optree soos wat Jesus daarteen gewaarsku en opgetree het.
Wat vra dit? Die Skrif is duidelik oor hoe die Ware kerk van Christus behoort te wees. Die belydenisskrifte van die NGK gee ‘n nog duideliker vereiste van wat verwag word. Een van die sterk afleidings wat mens kan maak, hetsy uit die Skrif, preke van leraars of openbaringe aan gelowiges, die boodskap is duidelik en eenstemming: Die Here wil hê ons moet net Hom aanbid en suiwer volgens sy Woord lewe. Daar is geen kompromieë wat enigsins na vore gekom het nie! In die woorde van ‘n NG leraar tydens ‘n onlangse program Bepeinsing op RSG: “just do it!”
Wat vra dit van die kerk en elke gelowige? Volharding om te lewe soos Jesus: leer van die Vader en help siekes/ verlig nood.
Gevolgtrekkings. Die NGK is op ‘n dwaalpad, wil met geleerdheid die Skrif verander sonder voldoende gebede van wat God wil hê (“hulle KEN My nie…”) en toon al die tekens van ‘n wêrelde Christelike kerk, wat kompromieë en nie die veranderinge deur die Gees van God laat bekragtig nie. Dis dalk verstaanbaar volgens 1 Kor 2:14: ”Die mens wat nie die Gees van God het nie, aanvaar nie die dinge van die Gees van God nie. Vir hulle is dit onsin. Hy kan dit ook nie verstaan nie, omdat dit geestelik beoordeel word.”
Vir solank as die NGK nie sy fokus op sinodale vlak plaas op die Ware kerk se rol soos Jesus dit uitgeleef het, slaag die satan in sy doel om die NGK se energie en aandag te vestig op beuselagtighede wat geen ewige belang soos Jesus ons geleer het dien nie. Die Ware kerk leef in christene se harte, die NGK sal nader daaraan moet beweeg na Ware kerkwees (geesgelei) as hul nog relevant wil wees as Christelike kerk. Jesus het nie met geleerdheid gepraat nie, maar met insig en wysheid – dis hoe christene en ook die Ware Christelike kerk behoort te wees. “Wysheid begin met die DIEN van die Here”. Dus meer geloof, minder redenasies soos die teoloë (Fariseërs, skrifgeleerdes, ensovoorts).
God dui ook in die Skrif aan dat die Ware kerk gaan ly en mislei word. As mens na godsdiens wêreldwyd kyk, is dit slegs die Ware Christelike kerk wat vervolg word. Dis ‘n duidelike teken dat daar net een waarheid is en dat dit reg teenoor satan se planne staan. Die kompromie gesprekke in die NGK is dus duidelik wat satan wil hê – die NGK moet opstaan uit sy sonde en die aanslag beveg!
Pleidooi vir terugkeer na God. Die woorde van Jesus: “Ek vergewe jou, gaan en sondig nie meer nie”, wil ek die NGK toebid. Die louheid moet besweer word soos in die boodskap aan Laodisea in Open 3:15-20. Die NGK moet sy eie belydenis tot uitvoering bring – dwalinge beveg soos in die drie formuliere van eenheid uiteengesit. Die NGK moet weer ‘n huis van gebed word! – Mat 21:13. Die sinlose praatjies moet gestop word, soos in 1 Tim 6:20-21. As daar voortgegaan word op hierdie pad van wêreldse kompromieë, dan is die NGK se leiers ook Fariseërs en skrifgeleerdes (leraars) wat Jesus kruisig, dus huigelaars in Jesus se woorde! – Mat 23:13-36.
INHOUD
SAMEVATTING…………………………………………………………………………………………………………………. 1
1. AGTERGROND……………………………………………………………………………………………………………. 6
2. WAT Sê DIE SKRIF OOR DIE WARE KERK?…………………………………………………………………………. 7
3. WAT BELY DIE NGK?…………………………………………………………………………………………………… 11
4. DRIE TIPE KERKE………………………………………………………………………………………………………… 13
5. OPENBARINGE AAN GELOWIGES…………………………………………………………………………………. 13
6. WAT BETEKEN DIT?……………………………………………………………………………………………………. 14
7. WAT VRA DIT?………………………………………………………………………………………………………….. 15
8. GEVOLGTREKKINGS…………………………………………………………………………………………………… 16
9. PLEIDOOI VIR TERUGKEER NA GOD……………………………………………………………………………….. 16
BYLAE……………………………………………………………………………………………………………………………. 18
A. PROMOSIE MATERIAAL oor POSTMODERNE ONTLUIKENDE KERK (“EMERGING CHURCH”) deur WTL (Waarheid teenoor Leuen) BEDIENINGE………………………………………………………………………………………….. 18
B. JESUS SE OPTREDE TEENOOR DIE KERK volgens EVANGELIE MATTEUS……………………………….. 21
C. DRIE TIPE MENSE volgens DIRKIE VAN DER SPUY……………………………………………………………. 27
D. OP SOEK NA GOD … BUITE DIE KERK? deur ANNES NEL…………………………………………………… 28
E. PLASTIEKKANSEL CD deur PROPHET…………………………………………………………………………….. 28
- 1. AGTERGROND
Die afgelope tyd kom die Nederduitse Gereformeerde Kerk (NGK) al meer in die nuus oor omstrede sake soos aanvaarding van gay leraars met seker voorwaardes. Wat is dit anders as wêreldse kompromieë wat met drukgroepe binne die kerk aangegaan word. Dit was ook die woorde van een van die leraars wat die bepaalde sinodesitting bygewoon het: “ dit was ‘n kompromie-besluit, anders was daar skeuring…” Ander sake sluit in die uitsprake van leraars van veral kweekskole wat die pad begin oopmaak vir “God is in almal en almal is in God”; wat is dit anders as ‘n beweging weg van geloof as basis vir redding? Ook uitsprake soos dat die “Bybel net woorde oor God is“ in plaas van die Woord van God, skep ‘n verwatering en verwêreldsing van die Christelike geloof soos die Skrif in der waarheid teen waarsku.
Dat die sinodes enigsins agendapunte soos die bestaan van die duiwel oorweeg, en of Jesus werklik opgestaan het, wek groot kommer. Dis die invloed van die sogenaamde “Emerging “ kerk op die leringe en sieninge van NG leiers en teoloë en word al meer sigbaar – sien Bylae A vir meer inligting. God se onfeilbare Woord, die Bybel, word ook twyfelagtig/ ongeloofwaardig gemaak, wat die fondament van die Christelike geloof wegneem. Die duiwel het dan daarin geslaag om die fondamente af te breek, Is dié optredes die leiding van ‘n kerk wat naby sy Here lewe? Of is dit die valse kerk wat nie meer aan Christus gebonde is nie? – dit behoort daadwerklik deur die NGK beveg te word.Die Skrif is duidelik oor VALSE LERAARS, naamlik:
- a. 1 Pet 2 Die vals leraars en hulle dwaalleer “Maar daar was ook vals profete onder die volk, en so sal daar ook onder julle vals leraars kom. Hulle sal verderflike dwaalleer insmokkel en die Here wat hulle vrygekoop het, verloën. ..
Baie sal hulle losbandigheid navolg, en deur hulle toedoen sal mense kwaad praat van die Weg van die waarheid. Maar hulle vonnis is lankal gevel, en hulle ondergang is onafwendbaar…”
Hierdie mense is soos droë fonteine, misvolke wat deur ‘n stormwind voortgejaag word. Vir hulle word in die diepste duisternis plek gehou. Hulle is aanmatigend en sê sinlose dinge…”
- b. 2Tim 3:14-17 “Maar jy, bly by wat jy geleer het en wat jy vas glo. Jy weet tog wie jou leermeesters was en jy ken van kleins af die heilige Skrif. Dit kan jou die kennis bybring wat tot verlossing lei deur die geloof in Christus Jesus.
Die hele Skrif is deur God geinspireer en het groot waarde om in die waarheid te onderrig, dwaling te bestry, verkeerdhede reg te stel en ‘n regte lewenswyse te kweek, sodat die man wat in diens van God staan, volkome voorberei en toegerus sal wees vir elke goeie werk.”
- c. 1 Joh 4:6 “Ons behoort aan God, en wie vir God ken, luister na ons; wie nie aan God behoort nie, luister nie na ons nie. Hieraan kan ons die Gees van die waarheid en die gees van die dwaalleer onderskei.”
- Sien ook 1 Tim 1-5 Afvalligheid van die laaste tye; 1 Tim 6:2-10 Vals leer en ware rykdom; Eseg13 Jou profete is soos jakkalse tussen die puinhope; 1 Kon12:33 -13:34 {Man van God is ongehoorsaam deur leun van “ou” profeet}
As lidmaat van die NG Moedergemeente Secunda het ek die vernuwing onder andere na ghitaar begeleiding en ander instrumente verwelkom. Ook die fokus op die lidmaat se verantwoordelikheid om te groei, en om die roeping van die kerk weer in ere te herstel. Maar hoe vereenselwig NG gemeentes hul met die dwaalleringe van sinodes, kerkleiers en dosente sonder om in wese ook vals te wees?
Ek wil my beswaar teen hierdie wêreldse kompromieë duidelik op skrif stel, dat dit direk teenstrydig met die Skrif is en teen die leiding van die Heilige Gees, en ook die kerk se eie belydenisskrifte. Dit kom nie van God af nie, want sy skape KEN sy stem en reageer daarop! As verwysing vir my betoog/ beswaar het ek vier tipe bronne gebuik. Die belangrikste is die Skrif hoe Jesus die kerk hanteer het, die NGK se eie belydenisskrifte, prediking soos in ‘n onlange herlewingspreek van Dirkie van der Spuy, en openbaringe aan gelowiges ingesluit myself. Dis vir my as ernstige gelowige duidelik dat die Skrif waar is, die Here stil en kragtig werk in hierdie lewe, maar deurentyd sy kinders en kerk waarsku om nie afvallig te raak nie.
Hierdie brief is met verskeie gelowiges getoets en word deur elkeen ondersteun. Alhoewel die fokus op die dwaalleringe gerig is, kan ‘n soortgelyke beswaar gelewer word teen sommige NGK gemeentes se neigings na en stilswye oor wêreldse kompromieë. Die NGK gemeentelede hoor, lees en sien die meeste aktuele onderwerpe uit media geledere. Kerkrade en predikante behoort baie meer daaroor te kommunikeer en hul sieninge deel. Stilswye vanuit gemeentes dui op aanvaarding van die “verkeerdhede”. Dit is moontlik die grootste probleem gesien op plaaslike vlak – gedagtes en voortgesette steun is dus op grond van menings wat vorm vanuit die media – baie gevaarlik, dog waar! Dit sal ook dan ‘n duidelike aanwyser raak of gemeentes streef na Ware kerkwees of wêreldse kompromieë aanhang!! Verwatering om heilig te lewe volgens die Skrif as uiting van dank- en diensbaarheid, is ‘n verdere voorbeeld van wegbeweeg van die wesenlike van die godsdiens, Rom 12: 1-3.
- 2. WAT Sê DIE SKRIF OOR DIE WARE KERK?
Die stryd tussen die ware en die vals kerk (reg teenoor verkeerd) is ou nuus. Enkele aanhalings oor die eeuoue stryd:
- a. Die ware belydenis is Jesus Christus; 1 Joh 4:1-3
“Geliefdes, moenie enigeen glo wat sê dat hy die Gees van God het nie, want daar is nou reeds baie vals profete in die wêreld, maar ondersoek elkeen, ondersoek of sy gees van God afkomstig is.
Hieraan ken julle die Gees van God: elkeen wat bely dat Jesus werklik die Christus is wat mens geword het, het die Gees wat van God afkomstig is.
En elkeen wat dit nie bely van Jesus nie, het nie die Gees wat van God afkomstig is nie. Hy het die gees van die antichrist, die gees van wie julle gehoor het dat hy kom en wat nou reeds in die wêreld is.”
- b. Ware kennis van God is deur geloof , nie deur geleerdheid nie: 1 Kor 1: 21
“Dit was die bedoeling van God in sy wysheid dat die wêreld nie deur geleerdheid tot kennis van God sou kom nie. Daarom het God in sy goedheid besluit om deur die prediking wat vir die wêreld onsin is, die te red wat glo.”
Waar jou skat is, daar sal ook jou hart wees.”
- Die ware voorbeeld van kerkwees is Jesus: Mat 12: 18-21
“Hier is my Dienaar wat Ek aangestel het, my Geliefde oor wie Ek My verheug; Ek sal my Gees op Hom laat kom, en Hy sal die wil van God aan die nasies bekend maak.
Hy sal nie twis nie en nie skreeu nie, en niemand sal sy stem op die strate hoor nie.
‘n Riet wat geknak is, sal Hy nie afbreek nie en ‘n lamppit wat rook, nie uitdoof nie; Hy sal die wil van God laat seëvier.
En op Hom sal die nasies hulle hoop vestig.”
Verwys ook na Jes 42:1-4; 11:10
- Die ware hart van die kerk is barmhartigheid: Mat 9:13
“Gaan leer wat dit beteken: ‘Ek verwag barmhartigheid en nie offers nie.’ Ek het nie gekom om mense te roep wat op die regte pad is nie, maar sondaars.”
Verwys ook na Hosia 6:6.
- Ware rykdom is skat in die hemel: Mat 10:20-21
“Dit alles het ek nagekom” het die (ryk) jongman gesê. ‘In watter opsig skiet ek nog te kort?’
Jesus het hom geantwoord: ‘As jy volmaak wil wees, gaan verkoop jou besittings en gee die geld aan die armes, en jy sal ‘n skat in die hemel hê. Kom dan terug en volg My.’”
Mat 6:19-21 ”Moenie vir julle skatte op aarde bymekaarmaak waar mot en roes dit verniel en waar diewe inbreek en dit steel nie.
Maak vir julle skatte in die hemel bymekaar, waar mot en roes dit nie verniel nie en waar diewe nie inbreek en dit steel nie.
- Die ware gebod is liefde: Mat 22:36-40
”Meneer”, vra hy, “wat is die grootste gebod in die wet?”
Jesus antwoord hom: “Jy moet die Here jou God liefhê met jou hele hart en met jou hele siel en met jou jou hele verstand.”
Dit is die grootste en die eerste gebod. Die tweede, wat hiermee gelykstaan, is ‘Jy moet jou naaste liefhê soos jouself’
In hierdie twee gebooie is die hele wet en profete saamgevat”
- Die ware Koninkryk is die wil van God Mat 6: 33
“Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee.”
- Die ware prys vir die evangelie is vervolging en misleiding Mat 24:9-14
“Die mense sal julle oorlewer om mishandel te word, en sal julle doodmaak. Julle sal deur die nasies gehaat word omdat julle my Naam bely.”
“Daar sal baie vals profete kom, en hulle sal baie mense mislei.”
“En hierdie evangelie van die koninkryk sal in die hele wêreld verkondig word, sodat al die nasies die getuienis kan hoor.”
Jesus se optrede teenoor die kerk word vervolgens bespreek, hoe Hy die opdrag van die Vader volvoer het, daarmee eintlik buite die die kerk opgetree het. Die Evangelie van Matteus is as verwysing gebruik (sien Bylae B vir uittreksel van die betrokke gedeeltes).
JESUS se bediening was ‘buite’ die kerk van sy tyd. Hy het nie die ondersteuning van die kerk geniet nie – inteendeel, Hy het die wroeginge op die hals gehaal omdat Hy met ‘n onortokse styl geen kompromie aangegaan het nie, gehoorsaam aan die Vader!
As christen is die opdrag: “volg jy My!”. Jesus se lewe is seker die beste voorbeeld van hoe ‘n christen behoort te lewe, en by implikasie hoe die Ware kerk behoort te wees. Indien die kerk sou afdwaal, dan beteken volg jy My dat die Christen steeds sy Meester moet volg, en nie die kerk nie! Dit bly ‘n persoonlike saak of mens by die feesmaal gaan aansit, die kerk is net ‘n medium wat van vorm kan verander of selfs verdwyn. Die eienskappe van Jesus se optrede (bediening) kan as volg saamgevat word:
- Jesus was gehoorsaam aan die Vader, nie die kerk nie;
- Jesus was saam met dissipels wat in opleiding was, wat andersins nie as dissipels sou kwalifiseer het nie (verkeerd volgens die kerk);
- Jesus het van sy bediening in die tempel gedoen, sonder goedkeuring van die kerkleiers (mense geleer, genees);
- Jesus het ook uitgegaan na dorpies om te bedien (mense geleer, genees);
- Jesus het mense op hul versoek genees (hul was gereed daarvoor), maar die kerk wou dit nie toestaan nie;
- Jesus het bepaalde bedieningsveld gehad naamlik die Jode (maar sy eie mense het Hom nie as die Christus geëin nie).
Jesus se lering het behels hoe die mens se VERHOUDINGS behoort te wees 1) KEN God (Vader liefhê) en 2) GEE OM vir naaste (liefhê soos jouself)
- KEN die Vader (God is groter as alles) en KEN vir Jesus as HOOF van die kerk
- Here is groter as die kerk;
- God is groter as gebruike/ metodes/ dinge;
- Here is groter as die leerstellings;
- Here is groter as die mense/ agenda’s;
- Leer van die Vader; vereer Hom deur die Gees;
- God is liefde.
- DIEN ander (binne en buite die kerk)
- Lewe in die krag van die Gees wat ewig saam met ons is;
- Lewe in geloof (genees, verdryf duiwels/ verkeerdhede);
- Neem deel aan die kerk; ondersteun gebruike leer: “doen wat leiers sê, maar volg nie hul voorbeeld nie”.
JESUS se optrede teenoor die KERK het duidelik geen kompromie met valsheid/ onsuiwerheid getoon nie. Inteendeel, Hy was baie uitgesproke teenoor die valsheid onder die kerkleiers van sy tyd. Die kerkleiers het die Farisëers, skrifgeleerdes, tempelhoofde, priesterhoofde, familiehoofde en Joodse Raad ingesluit, dus die volle spektrum van die destydse kerkbestuur/ -leierskap. Die volgende is ‘n opsomming van Jesus se hantering/ omskrywing van die valsheid onder die kerkleiers:
- Hul het die gebruike rondom die gebooie hoër geag as die Een wie se gebooie dit was; die hart/ gesindheid wat belangriker as net gehoorsaam is, het hul verloor, naamlik barmhartigheid seëvier oor die oordeel – Mat 15:2;
- Hul was goed opgelei in die Skrifte en het geweet wat dit beteken, maar het nie die wysheid van insig in die Skrif gehad om dit uit te lewe nie – Mat 23: 1-3;
- Hul uiterlike optrede was belangriker as die innerlike gesindheid – Mat 23:5; beskryf as wit gepleisterde grafte – Mat 23:27;
- Hul sal aan hul slegte vrugte geken word; boom/ mense sal aan hul vrugte geken word – goeie boom dra goeie vrugte, slegte boom slegte vrugte; Mat 12:33-36;
- Dit wat hul sê is tog geloofwaardig, maar moenie hul voorbeeld volg nie; toets alles en behou die goeie – Mat 23:3;
- Jesus antwoord hul strikvrae met wysheid, daag hul uit, waarsku en veroordeel hul skynheiligheid met vergelykings – Mat 19:1-12; 22:23-33; 22:34-46.
Die kerkleiers was goed opgelei in die Skrifte en het geweet wat dit beteken, maar helaas het hul die gebruike rondom die gebooie hoër geag as die Een wie se gebooie dit was. Vergelyk mens die huidige uitsprake van NGK leiers, dan wil dit voorkom of die “gebod” of belydenis nou betwyfel word, in ‘n nog erger graad as die Fariseërs en die res van die kerkhoofde. Jesus se waarskuwing is des te meer van toepassing op die hedendaagse kerk, sy leiers en sy lede.
Nie almal wat sê ‘Here, Here’ gaan in die Koninkryk wees nie: Mat 7:21-23
“Nie elkeen wat vir My sê: ‘Here, Here,’ sal in die koninkryk van die hemel ingaan nie, maar net hy wat die wil doen van my Vader wat in die hemel is.
Dan sal Ek openlik vir hulle sê: Ek het julle nooit geken nie. Gaan weg van my af, julle wat die wet van God oortree.”
- 3. WAT BELY DIE NGK?
Om te bepaal of ‘n kerk sy doel bereik, kan na die uitlewing van die kerk se belydenis gekyk word. Uittreksels van die verskillende belydenisskrifte word vervolgens gegee om aan te toon dat dit ooreenkomstig die Skrif is, maar helaas nie suiwer geleef word nie. Dit sluit onder andere in die Twaalf Artikels van die Algemene Ongetwyfelde, Christelike Geloof, die Drie Formuliere van Eenheid (Nederlandse Geloofsbelydenis, die Heidelbergse Kategismus, en die Dordtse Leerreëls).
Die Twaalf Artikels lees as volg:
Ek glo in God die Vader, die Almagtige, die Skepper van hemel en aarde;
en in Jesus Christus, sy eniggebore Seun, ons Here;
wat ontvang is van die Heilige Gees, gebore uit die maagd Maria;
wat gely het onder Pontius Pilatus, gekruisig is, gesterf het en begrawe is en neergedaal het na die hel;
wat op die derde dag opgestaan het uit die dood;
opgevaar het na die hemel en sit aan die regterhand van God, die almagtige Vader, waarvandaan Hy sal kom om die lewendes en die dooies te oordeel.
Ek glo in die Heilige Gees;
ek glo aan ‘n heilige, algemene Christelike kerk,
die gemeenskap van die heiliges;
die vergewing van sondes;
die opstanding van die liggaam
en ‘n ewige lewe.
Die Heidelbergse Kategismus, Sondag 21 vraag 54 bespreek die wese van die Christelike kerk:
Vraag: Wat glo jy van die heilige, algemene Christelike kerk?
Antwoord: Dat die Seun van God uit die hele menslike geslag vir Hom ‘n gemeente wat tot die ewige lewe uitverkies is, deur sy Gees en Woord in die eenheid van die ware geloof van die begin van die wêreld af tot die einde toe vergader, beskerm en onderhou en dat ek daarvan ‘n lewende lid is en ewig sal bly.
Die kenmerke van die WARE kerk word ook raak beskryf in Annes Nel se boek Op soek na God … buite die kerk? (sien Bylae D). Die Ware kerk is nie in ‘n struktuur vasgevang nie, maar lewe in die harte van die gelowiges, waar immers die Gees van God woon van die wat Jesus aanvaar het.
Die Nederlandse Geloofsbelydenis Artikel 29 bespreek die kenmerke van die ware kerk:
Die kenmerke waaraan ons die ware kerk kan uitken, is die volgende: Wanneer die kerk die evangelie suiwer preek, die sakramente suiwer bedien soos Christus dit ingestel het en die kerklike tug gebruik om die sondes te straf – kortom, wanneer almal hulle ooreenkomstig die suiwere Woord van God gedra, alles wat daarmee in stryd is, verwerp en Jesus Christus as die enigste Hoof erken.
Dordtse Leerreëls bespreek besluite ten opsigte van dwalinge wat geruime tyd gelede geneem is en nog net so van toepassing is. Die titels sluit in:
Hoofstuk 1 … Werwerping van die dwalings waardeur die Nederlandse kerke ‘n tyd lank in beroering gebring is (oor Goddelike uitverkiesing en verwerping)
Hoofstuk 2 … Verwerping van dwalings (oor die dood van Christus en die verlossing van die mense deur Sy dood)
Hoofstuk 5 Verwerping van die dwalings oor die leer van die volharding van die heiliges
Die sakramente van die doop en die nagmaal, asook die bevestiging van gelowiges, leraars, ouderlinge en diakens deel ook ‘n tersaaklike stelling/ vraag: “Glo u dat die Heilige Skrif die Woord van God is en die ware en volkome leer van die saligheid is”? Die gevolgtrekking kan gemaak word dat die NGK se belydenis ooreenkoms die Skrif is. Maar hierdie geloofstelling word in al groter mate betekenisloos met agenda’s, besluite en uitsprake van sinodes en teoloë. Die probleem kom dus met die toepassing en die uitleef daarvan te midde van die invloed van die wêreld; dis hier waar die NGK besig is om te faal, en sluit ook die nagelating van die wet en die kerklike tug in. Met ander woorde die uitsprake wat tans gemaak word, is teenstrydig met die belydenis. Die uiteinde kan ‘n aanpassing in die belydenis wees, en so word die wese van die geloof afgewater/ besmet (suiwerheid ingeboet).
- 4. DRIE TIPE KERKE
Die analogie wat hier te sprake kom, is afgelei van Dirkie van der Spuy se herlewingspreek by NG Moedergemeente Secunda in Januarie 2010 – sien Bylae C vir opsomming van die preek. Daar is drie tipe mense, die ongereddes, die wêreldse christene en die geesvervulde christene. Indien die kerk as ‘n versameling van hierdie tipe mense gesien word, bestaan daar dus ook drie tipe kerke, die wat nie Christus as Weg erken nie, die wat wêreldse Christelike kerke is en die wat geesvervulde of –geleide Christelike kerke is.
Die kenmerke van die wêreldse Christelike kerk het die eienskappe van die wêreldse christen naamlik lewe in sonde (breek nie daarmee nie), het afgode, en is nie geesvervuld nie! Is dit nie waar die NGK met sy kerkleiers hul tans bevind nie – wêreldse kerk?
Net Christus is die Leier. Die Here is nie te vinde dat sy kerk wêrelds is nie - Jesus waarsku teen die skrifgeleerdes en Fariseërs Mat 23:1-11
V1 “Jesus menigte toegespreek … Fariseërs en Sadduseërs het die gesag om die wet van Moses te vertolk.”
V3 “Julle moet alles doen en onderhou wat hul vir jul sê, maar hul voorbeeld moet julle nie navolg nie, want hul doen self nie wat hul sê nie …:
V5 “Alles wat hulle doen … deur mense gesien te word … gebedsband is groot …ereplekke … rabbi genoem te word.”
V8 “Maar julle moet julle nie ‘rabbi’ laat noem nie; net Een is jul Leermeester en julle is almal broers. Moet niemand op aarde as ‘vader’ aanspreek nie, want Een is jul Vader: die Vader in die hemel”
V10 “Julle moet julle nie ‘leiers’ laat noem nie, want Een is jul Leier; die Christus”
V11 “Maar die grootste onder julle moet bereid wees om die ander te dien”
- 5. OPENBARINGE AAN GELOWIGES
Daar is bepaalde openbaringe wat die Here aan sy kinders maak – baie daarvan is in die vorm van waarskuwings.
Ek wil na ‘n onlangse openbaring aan Bernada Fernandez verwys oor haar besoek aan die “ander wêreld”. Natuurlik kan daar baie gesê word oor die geldigheid daarvan, maar die boodskap daarvan is in ooreenstemming met die Skrif en dus vir my geldig. Ons moet ter harte neem van die sonde waarteen gewaarsku word. Dit sluit spesifieke waarskuwings aan kerkleiers in wat hul waarsku om suiwer te lewe en so ook die kerk.
So het die Here ook met my gepraat oor die dwalings van die kerk, as volg:
“Here, U Woord is so duidelik dat vriendskap met die wêreld vyandskap teenoor U is. Waar/ hoe kan ek inskakel by gemeentes waar ons kan gemeente wees volgens U wil?”
<< Ek wil hê dat jy naby My bly. Ek sal die pad vir jou wys. My Gees lewe in mense; my kerk is in die harte van mense. Ek is daar waar mense my wil hê >>
“Here, ek dink om te bedank uit NGK, wat is U wil asb?”
<< Het die kerk nou groter geword as sy Heer? Was hy maar koud of warm – is lou en Ek gaan hom uit my mond spuug! Hou jy by wat jy geleer het. >>
“Here, ek hou vas aan U en u Woord. Laat U Gees my lei volgens u wil.”
Daar is ook musiek oor die valsheid in die kerk soos van die sanggroep Prophet met hul CD Plastiekkansel. Hul inspirasie is uit die Woord, en sluit hul eie vertaling daarvan in:
2 Tim 4:3, 4 “…want daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle’n menigte leraars sal versamel volgens hulle eie begeerlikhede, en die oor sal afkeer van die waarheid en hulle wend tot fabels.”
Prophet se vertaling: “In die laaste dae sal die tempelmafia die ore streel & harte in plastiek verander…”
“… en o die hart is siek!” klink die refreim van een van die liedjies, ‘n duidelike beeld van die valsheid van die kerk (sien Bylae D vir die volledige woorde van die liedjie).
- 6. WAT BETEKEN DIT?
Die valse kerk of wêreldse Christelike kerk bestaan werklik – net soos in Jesus se tyd, is dit vandag ook inherent deel van die huidige kerkstrukture. Ons moet daarteen waak en optree soos:
- Jesus daarteen gewaarsku en opgetree het ;
- die belydenisskrifte, spesifiek die Dordtse Leerreëls daarteenoor standpunt ingeneem het en dit in die kerk beveg het;
- preke van leraars beroepe doen op wêreldse christene om te groei na geesvervulde christene, dieper VERHOUDING met God en Jesus deur die Gees;
- geopenbaar is aan gelowiges wat die kerk om suiwer te wees/ word, en
- groepe dit uitsing om nie plastiek te wees maar eg/ opreg soos Jesus!
- 7. WAT VRA DIT?
Die Skrif is duidelik oor hoe die Ware kerk van Christus behoort te wees. Die belydenisskrifte van die NGK gee ‘n nog duideliker vereiste van wat verwag word. Een van die sterk afleidings wat mens kan maak, hetsy uit die Skrif, preke van leraars of openbaringe aan gelowiges, die boodskap is duidelik en eenstemming:
Die Here wil hê ons moet net Hom aanbid en suiwer volgens sy Woord lewe. Daar is geen kompromieë wat enigsins na vore gekom het nie!
In die woorde van ‘n NG leraar tydens ‘n onlangse program Bepeinsing op RSG: “just do it!”
Wat vra dit van die kerk en elke gelowige? Volharding om te lewe soos Jesus: leer van die Vader en help siekes/ verlig nood.
- Ware gelowiges is deel van die Ware kerk: Christus is Leier;
- Word ernstig “Bely… gaan doen (sondig) nie weer nie” (Jesus vergewe);
- “My huis is huis van gebed” ;
- Mat 9:12 “Ek het nie gekom vir die op die regte pad … maar vir sondaars; Ek verwag barmhartigheid”;
- Jesus laat mense wat genees is, by kerk inskakel (reinigingsvoorskrifte volg);
- Jesus is Here van die sabbat en die kerk:
- Jesus antwoord Fariseërs se vrae met wysheid uit die Skrif; Hy weet wat skrifgeleerdes dink van Hom;
- Kerk soek ‘n teken – net teken van Jona (geloof) word gegee;
- Jesus waarsku teen vals profete – aan hulle slegte vrugte sal hulle geken word:
- Pasop vir mense wat ander in sonde laat val het – saad tussen onkruid
- Spreek Hom direk uit teenoor ‘wat hart van vol is , loop mond van oor’;
- “Dit help niks om My te dien deur leerstellings van mense as gebooie van God voor te hou nie”;
- Waarom ongehoorsaam jul self die gebod ter wille van oorgelewerde gebruike (ontneem die gesag van God) Jes 29:13 “Die Here het gesê: Hierdie volk is naby My met hul mond, hulle eer My met wat hulle sê, maar hulle hart is ver van My af, hulle dien My soos mense dit wil hê, nie soos Ek wil nie.”
- Jesus waarsku – pasop vir die leer van die kerk;
- Jesus jaag handelaars uit die kerk;
- Redeneer met insig o.a oor belasting – “Julle dwaal omdat jul nie die Skrif en ook nie die krag van God KEN nie”; “Hy is God van lewendes”;
- Ken God in leerstellings/ uitsprake.
- 8. GEVOLGTREKKINGS
Die NGK is op ‘n dwaalpad, wil met geleerdheid die Skrif verander sonder voldoende gebede van wat God wil hê (“hulle KEN My nie…”). Die kerk toon al die tekens van ‘n wêreldse Christelike kerk, wat kompromieë en nie die veranderinge deur die Gees van God laat bekragtig nie. In die vroeë tyd het die profete daardie rol gespeel, maar nou het ons die Gees tot ons beskikking. Kennis van God is deur geloof en nie deur geleerdheid nie. Verwys na 1Kor 1:18-31 – Christus, die krag en die wysheid van God. Dwalinge is verstaanbaar volgens 1 Kor 2:14: ”Die mens wat nie die Gees van God het nie, aanvaar nie die dinge van die Gees van God nie. Vir hulle is dit onsin. Hy kan dit ook nie verstaan nie, omdat dit geestelik beoordeel word.”
Vir solank as die NGK nie sy fokus op sinodale vlak plaas op die Ware kerk se rol soos Jesus dit uitgeleef het (geloof, hoop, diensbaarheid, nederigheid, selfbeheersing, …doen dit aan die minste onder julle.., werklike skatte is hemelse skatte, naasteliefde, ensovoorts) slaag die satan in sy doel om die NGK se energie en aandag te vestig op beuselagtighede wat geen ewige belang soos Jesus ons geleer het dien nie. Een ding is seker -die duiwel is hard aan die werk om die Christelike geloof in felheid aan te val – openlik maar ook ongemerk en onderduims.
Die Ware kerk leef in christene se harte, die NGK sal nader daaraan moet beweeg na Ware kerkwees (geesgelei) as hul nog relevant wil wees as Christelike kerk. Jesus het nie met geleerdheid gepraat nie, maar met insig en wysheid – dis hoe christene en ook die Ware Christelike kerk behoort te wees. “Wysheid begin met die DIEN van die Here”. Dus meer geloof, minder redenasies soos die teoloë (Fariseërs, skrifgeleerdes, ensovoorts).
God dui ook in die Skrif aan dat die Ware kerk gaan ly. As mens na godsdiens wêreldwyd kyk, is dit slegs die Ware Christelike kerk wat vervolg word en deurlopend aan sy kern bevraagteken word. Dis ‘n duidelike teken dat daar net een waarheid is en dat hierdie waarheid reg teenoor satan se planne staan. Die kompromie gesprekke in die NGK is dus duidelik wat satan wil hê.Die NGK moet opstaan uit sy sonde en die aanslag beveg!!!
- 9. PLEIDOOI VIR TERUGKEER NA GOD
Die woorde van Jesus: “Ek vergewe jou, gaan en sondig nie meer nie.”, wil ek die NGK toebid. Met verwysing na die Ou Testament, het die volk soms vir jare “weggekom” met sonde, maar as die straf gekom het, was dit ook jarelange ballingskap. Genadetyd is besig om vir die NGK uit te loop – keer terug na die wese van die godsdiens volgens Rom 12: 1, 2:
“… Gee julleself aan God as lewende en heilige offers wat vir Hom aanneemlik is. … Julle moenie aan hierdie sondige wêreld gelyk word nie, maar laat God julle verander deur julle denke te vernuwe. Dan sal julle kan onderskei wat die wil van God is, wat vir Hom goed en aanneemlik en volmaak is.”
Die louheid moet besweer word soos in die boodskap aan Laodisea, Open 3:15-20 “Ek weet wat jul alles doen. Ek weet dat julle nie koud is nie, en ook nie warm nie. As julle tog koud of warm was!
Maar nou, omdat julle lou is, nie warm nie en ook nie koud nie, gaan Ek julle uit my mond uitspoeg ….
Kyk, Ek staan by die deur en Ek klop. As iemand my stem hoor en die deur oopmaak, sal Ek by hom ingaan en saam met hom die feesmaal hou, en hy saam met My.”
Die NGK moet sy eie belydenis tot uitvoering bring – dwalinge beveg soos in die drie formuliere van eenheid uiteengesit.
Die NGK moet weer ‘n huis van gebed word! Mat 21:13 “(Jesus het) vir hulle gesê: “Daar staan geskrywe: ‘My huis sal ‘n huis van gebed wees’, maar julle maak dit ‘n rowersnes.”
Die sinlose praatjies moet gestop word, soos in 1 Tim 6:20-21 “Timoteus, bewaar wat aan jou toevertrou is. Vermy die onheilige en sinlose praatjies en die redenasies van die “kennis”, soos dit verkeerdelik genoem word. Daar is mense wat daardie “kennis” aanhang en so van die geloof afgedwaal het.
Die genade sal by julle wees!”
As daar voortgegaan word op hierdie pad van wêreldse kompromieë, dan is die NGK se leiers ook Fariseërs en skrifgeleerdes (leraars) wat Jesus kruisig! Dus huigelaars in Jesus se woorde … Mat 23:13-36. God is groter as die NGK struktuur!
Ek glo in ‘n lewende God wat betrokke is in hierdie wêreld, en wil onwillekeurig begin bely:
…Ek glo in die Heilige Gees;
ek glo aan ‘n heilige, algemene Christelike kerk,
die gemeenskap van die heiliges…
Die Heer HET opgestaan! Amen!
BYLAE
- A. PROMOSIE MATERIAAL oor POSTMODERNE ONTLUIKENDE KERK (“EMERGING CHURCH”) deur WTL (Waarheid teenoor Leuen) BEDIENINGE
“Sedert die vrystelling van die dokumentêre DVD Nuwe Strominge in die Teologie: Word die Hart van die Evangelie Uitgeruk?, het daar heelwat ander strome besoedelde water in die groot teologiese en kerklike see gevloei. Terwyl talle “wagters op die mure” steeds besig is om te waarsku en te stry teen vorige dwaalstrominge, het die mees resente stroom van geestelike misleiding byna ongemerk die Christelike Kerk wêreldwyd oorspoel. Hierdie uiters subtiele postmoderne “herverwoording” van die Evangelie staan bekend as die Ontluikende Kerk (Emerging Church), en is besig om in ‘n toenemende mate ‘n alles omvattende paradigma verskuiwing in elke faset van die Christendom teweeg te bring.
In hulle soeke na “nuwe maniere van kerkwees” in ‘n postmoderne tyd, het verskeie leiers van die Ontluikende Kerk gaan kers opsteek by van die voorste New Age denkers en Intergeloofs-mistici in die wêreld. In sy boek Quantum Spirituality: A Postmodern Apologetic beskryf bekende Emergent- leier Leonard Sweet, New Agers soos Matthew Fox, M. Scott Peck, Ken Wilber en David Spangler as “New Light Leaders” en sê dat hulle sy persoonlike rolmodelle en vernaamste leermeesters is. Rob Bell, ‘n ander baie prominente Ontluikende Kerk-leier, begelei sy gemeentelede in die doen van Joga- oefeninge tydens “eredienste”. Die Hindoe “Joga Meesters”, beweer hy, kan ons leer hoe om waarlik volgelinge van Jesus te wees. In sy boek Velvet Elvis, propageer hy die boek van New Ager Ken Wilber oor “Integrale Spiritualiteit”. (Soos ‘n ware postmodernis sê Wilber op sy webtuiste dat “Integrale Spiritualiteit” die hoogste vlak van spiritualiteit is waar mens ontdek dat jy uitgestyg het bo uitgediende idees dat een Godsdiens waar en ‘n ander onwaar is.) Rob Bell was ook verder ‘n aktiewe deelnemer aan die groot Seeds of Compassion Intergeloofs-konferensie van die Dalai Lama, Boeddhistiese leier van Tibet. Die Emergent leier Brain McLaren, verkondig op sy beurt dat Boeddhiste, Hindoes en Jode “volgelinge van Jesus” kan word sonder om hulle oorspronklike geloof te verlaat en Christene te word.
Talle sg “behoudende” Suid Afrikaanse teoloë en kerkleiers wat nie deur vorige dwaalstrome soos die Jesus Seminar en Nuwe Hervorming meegesleur was nie, het nou blykbaar met groot ywer ingekoop op Emergent. In ‘n poging om die kerk “relevant” te maak vir die postmoderne mens, het hierdie teoloë die deure van die kerk in SA wyd oopgegooi vir Emergent leiers soos Leonard Sweet, Rob Bell, Brain McLaren, Tony Jones, Erwin McManus, ens. In sy boek Nuwe Drome vir Nuwe Werklikhede: Geloofsgemeenskappe in pas met ‘n Postmoderne Wêreld, propageer prof Nelus Niemandt van Tukkies hierdie bg Emergent-leiers, hulle idees en die postmoderne paradigma sonder enige voorbehoude. Onder die opskrif: My kop is geswaai, skryf die bekende prof Stephan Joubert in sy voorwoord tot die boek: “Nelus Niemandt is een van die invloedrykste denkers…Sy insigte is asemrowend…” Die Nuwe Drome boek sê hy, is ‘n “absolute juweel…kop-oopmaak materiaal …horisonverskuiwend…sonder twyfel die belangrikste boek op die Suid-Afrikaanse kerklike toneel…”. Joubert skryf verder: “Nelus het goed daarin geslaag om die insigte van die mees invloedryke eietydse denkers oor kerkwees in homself te internaliseer en op vars maniere te verwoord!”
Dit is ‘n tragiese dag vir die Kerk wanneer “behoudende” teoloë na wie baie opsien vir leiding, die lof besing van “wolwe in skaapsklere” en die deur van die skaapkraal opgooi vir hierdie sg “mees invloedryke eietydse denkers oor kerkwees”. Of hierdie teoloë dit uit onkunde doen en of hulle presies weet wat hulle doen, kan ‘n mens maar net wonder. Hoe dit ookal sy, die dodelike effek op niksvermoedende lidmate van die Kerk bly egter dieselfde – en dit is nie net die skape nie, maar ook die lammertjies wat ter slagting gelei word! Nelus Niemandt se Nuwe Drome is nou ‘n voorgeskrewe boek vir teologiese studente. Op die “blogsite” van een van die teologiese studente van Tukkies, ene Cobus van Wyngaard, kan die vernietigende uitwerking van die Emergent- en vorige teologiese dwaalstrome op die geloof en denke van studente duidelik gesien word. Na wat verneem word is sowat negentig persent van die teologiese studente by Tukkies reeds deur hierdie dwalinge meegesleur. Leonard Sweet het ook reeds lankal by Tukkies opgetree en heelwat predikante in SA opgelei volgens die “nuwe” paradigma.
Die misleiding van die Emerging Church word tans op ‘n groot skaal deur die kerklike media in die Suid- Afrikaanse Christelike gemeenskap ingedra. Tydens ‘n reeks programme op Radiokansel het prof Stephan Joubert, dr Gustav Claasen en ander predikante, die insigte van Emergent leiers soos oa Leonard Sweet en Rob Bell voorgehou as die antwoord vir die kerk van vandag. Op prof Jan van der Watt se Bybelprogramme op beide RSG en Radiokansel, het prof Pieter de Villiers, professor in Spiritualiteit by Kovsies, die boeke en kontemplatiewe spiritualiteit van oa Thomas Merton, ongekwalifiseerd gepropageer. Merton was ‘n Intergeloofs-mistikus wat gelyktydig ‘n Rooms Katolieke monnik en ‘n Boeddhis was. Merton het gesê “I see no contradiction between Buddhism and Christianity….I intend to become as good a Buddhist as I can.” Die reeks Nooma DVD’s van Rob Bell vorm die sentrale tema van ‘n nuwe reeks Christelike TV programme op SABC 2 getiteld Ware Noord. Van die mees prominente Christenleiers en teoloë in SA word op Ware Noord gebruik om insette te lewer en positief aan te sluit by Rob Bell se boodskap. In die winkels van CUM Boeke rol die rande in, danksy die blitsverkoper boek The Shack, waarin ‘n tipiese Emergent / New Age verdraaing van die Drie-Eenheid verkondig word. “God die Vader” is ‘n swart vrou wat as “Pappa” bekend staan. Dit herinner sterk aan die Black Madonna en die Vader / Moedergodin van die Paganisme en Shamanisme. Die “Heilige Gees” is ‘n Oosterse vrou genaamd “Sarayu”. Sarayu is ‘n mitologiese stroom heilige water wat uit die geboortestad van die Hindoe god, Rama, vloei. Die “Jesus” in The Shack is ‘n Intergeloofs panteïstiese “Jesus” wat ontken dat hy die enigste weg tot die Vader is. Wêreldwyd is die ganse “Christendom” in vervoering oor die boek – ook hier in SA. Op talle radio- en TV-programme word die boek deur vooraanstaande Christenleiers en teoloë aanbeveel. Dit loop soos ‘n veldbrand deur die land.
Van regoor die land verneem ek van gemeentes waar die dominee die gemeentelede inlei in verskillende vorme van meditasie, kontemplasie, sentreringsgebede, Rooms Katolieke rituele, die loop van labarinte, ens. By een gemeente moes hulle selfs ‘n tipiese New Age “Ek Is” mantra opsê. Orals word Rob Bell se Noomas in kerke vertoon. The Shack word vir kinders aanbeveel in die katkisasieklas. Talle gemeentes skeur uitmekaar agv die “nuwe postmoderne manier van kerkwees”. Die Christene wat onderskei wat aan die gang is, word as “resisters” en “moeilikheidmakers” geidentifiseer en uit die gemeentes uitgewerk, terwyl die slapende meerderheid niks agterkom nie en rustig voortgaan met “kerk”. Daar is talle voorbeelde hiervan. Gemeentelede wat hierdie dwalinge uitwys en klagtes daaroor lê, kom meestal agter dat hùlle in die beskuldigde bank opeindig en die skuldiges vrygespreek word.
Die mees ontstellende aspek van die Emergent infiltrasie, is dat hulle veral die kerklike jeug van die wêreld in hulle visier het. Youth Specialties is ‘n multi-biljoen dollar Emergent jeugorganisasie wat internasionaal opereer. In hulle gratis kursusmateriaal, wat wêreldwyd deur jeugleiers en -predikante van hulle massiewe webtuiste afgelaai word, propageer hulle oa mistieke Oosterse meditasie praktyke, homoseksualiteit en masturbasie. Volgens hierdie webtuiste moet jongmense egter hulle masturbasie na ‘n “dieper” geestelike vlak neem deur hulle gedagtes op “God” te fokus wanneer hulle masturbeer! Toe my eie dogter onlangs saam met die jeuggroep van ‘n groot bekende NG Gemeente op ‘n jeugleierskursus wou gaan, moes ons uitvind dat die betrokke jeugleraar van die opleidingskursusse van Youth Specialties gebruik maak.
DIT HET LAAT GEWORD VIR DIE KERK IN HIERDIE LAND – LATER AS WAT ONS DINK! Ek wil u verseker – die tekens van die groot geestelike afval waarna ek hierbo verwys het, verteenwoordig maar net die punt van ‘n veel groter ysberg van Antichristelike Infiltrasie wat reeds ons ganse samelewing en die kerk deurtrek het. Onthou die waarskuwende woorde van die Here Jesus aan Sy gemeente in Sardis: “As jy nie wakker word nie, sal Ek op jou afkom soos ‘n dief…” Ons kan nie langer bekostig om te bekommer oor “die goeie naam” van ons Kerk en sy leiers terwyl ons die Naam van die Here van die Kerk deur die modder sleep nie! Ons kan nie langer ons eie naaktheid met vyeblare probeer verberg en voortgaan om gruwelike Antichristelike dwaalleer toe te smeer en as “Nuwe Teologie” te herinterpreteer nie. Die Skrif sê: “…moenie meedoen aan die vrugtelose praktyke van die duisternis nie, maar stel dit eerder aan die kaak” (Ef 5:11) Ons en ons kinders kan nie langer bekostig om soos blinde volgelinge van blinde leiers na ‘n geestelike afgrond voort te strompel nie. Jesaja het tereg gesê:
“Dié wat oor my volk moet waak, is almal blind, hulle weet niks nie (OV: hulle merk niks op nie) Hulle is almal stom honde, hulle kan nie blaf nie… Hulle is herders sonder insig…” Oor die tragiese geskiedenis van die geestelike verval van die Kerk van Christus, kan ons maar net die woorde van Hosea 4:6 in groot rooi letters skryf: “My volk gaan ten gronde weens ‘n gebrek aan kennis; omdat jy die kennis verwerp het, sal ek jou verwerp…” Moenie langer onkundig bly nie. Kom sluit by ons aan vir ‘n Inligtingseminaar op Saterdag, 28 Feb 2009 en kom gesels saam oor wat ons nou te doen staan te midde van hierdie krisis in die Kerk. Verdere inligting is hierby aangeheg. èèè Groete in Christus, Sarel van der Merwe, WTL Multimedia Bedieninge”
B. JESUS SE OPTREDE TEENOOR DIE KERK volgens EVANGELIE MATTEUS
- i. Vals profete 7:15-20
V15 “Pasop vir die vals profete. Hulle kom na julle toe in skaapsklere, maar in werklikheid is hul verskeurende wolwe.”
V16 “Aan hul vrugte sal julle hulle ken…”
V17 “…maar ‘n slegte boom dra slegte vrugte”
V19 “Elke boom wat nie goeie vrugte dra, word uitgekap en in die vuur gegooi.”
V20 “So sal julle die valse profete dan aan hul vrugte ken.”
- Genesing van ‘n melaatse 8:1-4
V4 “Jesus sê… ‘Jy moet vir niemand vertel nie … maar gaan wys jou vir die priester en bring die offer wat Moses voorgeskryf het. Dit sal vir die mense die bewys wees dat jy rein geword het.”
- Hoe Jesus gevolg moet word 8:18-22
V19 “Skrifgeleerde … sê vir Hom: ‘Ek sal u volg waar u ook al mag gaan.”
V20 :…’Jakkalse het gate en voëls het neste, maar die Seun van die mens het nie eens ‘n rusplek vir sy kop nie.’”
- Genesing van ‘n verlamde man 9:1-8
V2 “… Jesus… ‘Vriend wees gerus, jou sondes word vergewe.”
V3 “Party van die skrifgeleerdes het by hulself gesê; ‘ Hy praat godslasterlik”
V4 “Maar Jesus het geweet wat hul dink … sê:’ waarom het julle sulke gedagtes in jul harte?”
V6 “Maar Ek gaan nou vir jul bewys lewer … Seun volmag het… ‘Staan op, vat jou draagbaar…”
- v. Roeping van Matteus 9:9-13
V11 “Toe vra die Fariseërs vir Sy dissipels: ‘Waarom eet jul leermeester saam met tollenars en sondaars?’”
V12 “Maar Jesus het dit gehoor. ‘Die wat gesond is, het die dokter nie nodig nie, maar die wat siek is.”
V13 “Gaan leer wat dit beteken: ‘Ek verwag barmhartigheid en nie offers nie… Ek het gekom om nie mense te roep wat op die regte pad is nie, maar sondaars.”
- Genesing van ‘n stom man 9:32-34
V33 :”Nadat die duiwels uitgejaag was, het die stom man begin praat”
V34 “Maar die Fariseërs het gesê:’Dit was met behulp van die aanvoerder van die duiwel dat hy duiwels uitdryf”
- Jesus stuur sy dissipels uit 10:5-15
V7 “Gaan verkondig; ‘Die Koninkryk van die hemel het naby gekom”
Aansporing om Christus te bely h10:32-33
V32 “Elkeen wat hom voor die mense openlik vir My uitspreek, vir hom sal Ek My ook openlik uitspreek voor my Vader”
- Beloning 10:40 – 11:1
V41 “Wie ‘n profeet ontvang, sal ‘n profeet se beloning ontvang… wie ‘n goeie mens ontvang… sal ‘n goeie mens se beloning ontvang.”
Jesus is Here oor die Sabbat 12:1-8
V1 :Jesus… het op die sabbatdag deur gesaaides geloop… Sy dissipels … honger, are gepluk en geeët.”
V2 “Toe die Fariseërs dit sien, sê hulle vir Hom; ‘Kyk daar! U dissipels doen iets wat die sabbatdag nie gedoen mag word nie.”
V3 :Maar Hy sê…: ‘Het jul gelees van Dawid… manne honger… huis van God ingegaan en van die oferbrood geeët”
V6 “Ek sê vir julle: ‘Hier is een wat groter is… Ek verwag barmhartigheid en nie offers nie”
- Man met gebreklike hand 12:9-14
V9 “Jesus het… sinagoge gekom …’Mag mens op sabbatdag iemand gesond maak?’ Hulle bedoeling was om ‘n klag teen Hom te kry.”
V13 “Toe sê Hy: ‘Steek jou hand uit … sy hand was reg.”
V14 “Die Fariseërs het toe uitgegaan…”
- x. Jesus en Beëlsebul 12:22-32
V22 “Fariseër … ‘Hy dryf duiwels uit met behulp van Beëlsebul”
V25 “Jesus het egter geweet wat hulle dink: “Elke koninkryk wat verdeeld is gaan ten gronde”
V28 “Aangesien Ek deur die Gees van God die duiwels uitdryf, het die Koninkryk van God inderdaad tot by julle gekom”
- Boom word aan sy vrugte geken 12:33-36
V34 “Julle slange! Hoe kan julle wat sleg is, iets goeds sê? Waar die hart van vol is, loop die mond van oor”
- Teken van Jona 12:38-42
V38 “Party van die skrifgeleerdes en Fariseërs sê vir Hom: “Meneer, ons wil ‘n wonderteken van U sien”
V39 “Maar Hy antwoord: ‘’n Slegte en afvallige geslag vra ‘n teken, en geen teken sal aan hulle gegee word nie, behalwe die teken van Jona (drie dae in ‘n vis … Jesus drie dae in aarde)
V42 “Mense van NInive sal op oordeelsdag saam met mense getuig … mense het hul immers bekeer”
- Verklaring van die gelykenis van die onkruid 13:36-43
V41 “Die seun van die mens sal sy engele stuur en hulle sal uit die Koninkryk verwyder almal wat ander mense in die sonde laat val het, en almal wat die die wet van God oortree het”
- Die oorgelewerde gebruike van die voorgeslagte 15:1-20
V1 “Fariseërs en skrifgeleerdes … vir Hom gevra: ‘Hoekom verontagsaam u disciples die oorgelewerde gebruike van die voorgeslagte?”
V2”Waarom verontagsaam julle self die gebod van God ter wille van jul oorgelewerde gebruike?”
V5 “…So ontneem julle die woord van God se gesag ter wile van jul oorgelewerde gebruike. Huigelaars!” Die profeet Jesaja het jule mooi opgesom… ‘Hierdie volk eer my met hul mond, maar hul harte is ver van My af
V9 “Dit help niks dat hul My probeer dien deur leerstellings van mense as gebooie van God voor te hou nie
Jes 29:13 “Die Here het gesê: Hierdie volk is naby My met die mond, hulle eer My met wat hulle sê, maar hulle hart is ver van My af, hulle dien My soos mense dit wil hê, nie soos Ek wil nie.”
- ‘n Twede versoek vir teken afgewys 16:1-4
V1 “Fariseërs en Sadduseërs weer Jesus op dei proef gestel”
V2 “Jesus antwoord … julle weet om die voorkoms van die lug te beoordeel, maar teken van die tye … nie”
- Suurdeeg van die Fariseërs en Sadduseërs 16:5-12
V12 “Toe het hulle verstaan dat Hy … bedoel het dat hul op hul hoede moet wees … vir die leer van die Fariseërs en Sadduseërs “
- Gesprek oor egskeiding 19:1-12
V3 “Daar was Fariseërs en Sadduseërs wat Hom op die proef wou stel: ‘Mag ‘n man sommer oor enige ding van sy vrou skei?”
V4 “Hy het geantwoord: ‘Het jul nie gelees dat die Skepper hulle van die begin man en vrou gemaak het nie?”
V7 “Waarom het Moses dan bepaal dat, as iemand sy vrou ‘n skeibrief gee, hy van haar mag skei?:
V8 “Hy antwoord “Dit is oor die hardheid van jul harte … dit was nie van die begin af so nie”
- Reininging van die tempel 21:12-17
V12 “Jesus het tempel toe gegaan en al die mense wat op tempelplein koop en verkoop daar uitgejaag. Die tafels … stoele omgegooi … My huis sal ‘n huis van gebed wees”
V15 “Maar toe die priesterhoodde en skrifgeleerdes die wonderlike dinge sien … (gesondmaking) was hul verontwaardig. …Prys die Seun van Dawid (sang) … sê hulle “Hooe jy wat hulle sê? ‘Ja ‘ sê Jesus … kinders, suigelinge … sal U lof sing?”
- Vraag oor Jesus se gesag 21:18-22
V23 “… Jesus … tempel; Hy besig was om mense te leer, kom priesterhoofde en familiehoofde van die volk … vra: ‘Met watter gesag doen uhierdie dinge?”
V24 “Jesus … ‘Ek gaan julle een ding vra, as jul My daarop antwoord, dan sal Ek sê met watter gesag … Hulle redeneer to onder mekaar … Johannes van God af … of van mense … hule antwoord ‘Ons weet nie…”
- Vraag oor betaal van belasting 22:15-22
V15 “Toe het Fariseërs besluit om Jesus met ‘n vraag in ‘n val te lok. Hulle stuur van hul volgelinge … en Herodiane …’Meneer. Ons weet dat u iemand is wat u mening eerlik uitspreek en getrou aan die waarheid die wil van God bekend maak, sonder om mense in aanmerking te neem, want u let nie op die aansien van persone nie.”
V17 “… Is dit reg om aan sie keiser belasting te betaal?”
V18 “Jesus het deur hul valsheid gesien …’ Huigelars, waarom stel jul vir My ‘n strik? Wys vir My die muntstuk …wie se kop en naam is hierop?
V21 “”Die keiser s’n … ‘Gee dan aan die keiser wat aan die keiser behort en aan God, wat aan God behoort.”
V22 “… hulle was verbaas…”
- Vraag oor opstanding uit die dood 22:23-33
V23 “Sadduseërs by Jesus gekom … beweer daar is nie ‘n opstanding nie.”
V29 “Jesus antwoord ‘Julle dwaal omdat jul nie die Skrif en ook nie die krag van God ken nie. ‘Ek is die God van Abraham … Isak, Jakob’, ‘Hy is nie die God van dooies nie, mar van lewendes.”
- Vraag oor grootste gebod 22:34-40
V34 “Fariseërs … vraag prober vastrek; ‘Meneer wat is die grootste gebod van die wet?
v37 “Jeus antwoord… ‘Jy moet die Here jou God liefhê … naaste liefhê soos jouself”
- Vraag oor Seun van Dawid 22:41-46
V41 “Fariseeërs bymekaar was, vra Jesus vir hulle: ‘Wat dink julle van die Christus? Wie se seun is Hy. ‘Dawid s’n”
V45 “As Dawid Hom self Here genoem het, hoe kan Hy dan Dawid se seun wees?”
V46 “Niemand kon Hom daarop iets antwoord nie.”
- Jesus waarsku teen skrifgeleerdes en Fariseërs 23:1-12
V1 “Jesus menigte toegespreek … Fariseërs en Sadduseërs het die gesag om die wet van Moses te vertolk.”
V3 “Julle moet alles doen en onderhou wat hul vir jul sê, maar hul voorbeeld moet julle nie navolg nie, want hul doen self niewat hul sê nie …:
V5 “Alles wat hulle doen … deur mense gesien te word … gebedsband is groot …ereplekke … rabbi genoem te word.”
V8 “Maar julle moet julle nie ‘rabbi’ laat noem nie; net Een is jul Leermeester en julle is almal broers. Moet niemand op aarde as ‘vader’ aanspreek nie, want Een is jul Vader: die Vader in die hemel”
V10 “Julle moet julle nie ‘leiers’ laat noem nie, want Een is jul Leier; die Christus”
V11 “Maar die grootste onder julle moet bereid wees om die ander te dien”
- Jesus veroordeel huigelary 23:13-28
“Ellende wag vir jul skrifgeleerdes en Fariseërs, huigelaars. Julle sluit die deur van die Koninkryk in die mense se gesig toe. Julle gaan self nie in nie, en julle verhinder die wat wel wil ingaan.:
V16 :Ellende … wat ander wil lei en self blind is”
V28 “…jul laat na: ‘geregtigheid, barmhartigheid en betroubaarheid”
V25 “Ellende … maak buitekant van die beker en skottel skoon, maar binne vol hebsug en on matigheid”
V27 “Ellende … wit gepleisterde grafte … daarbinne vol doodsbene en allerhande onsuiwerhede”
- Jesus kondig straf aan 23:29-36
V29 “Huigelaars … hou grafte van profete in stand en versier die gedenktekens van die vromes”
V33 “ Julle slange addergeslag! Hoe sal jul ontkom aan die straf van die hel?”
- Profetiese rede; rampe en vervolging 24:3-13
V11 “Daar sal baie valse profete kom, en hul sal baie mense verlei…”
V13 “Maar wie tot die einde toe volhard, sal gered word.”
- Profetiese rede: groot verdrukking 24:15-28
V24 “… daar sal valse christusse en vals profete na vore kom, … groot tekens doen… uitverkorenes te verlei”
Jesus wys sy verraaier aan h26: 20-25
V12 “…een van julle sal My verraai…”
- Jesus word gevange geneem 26:47-56
V50 “Maar Jesus sê: ‘Vriend, doen wat jy gekom het om te doen”
V52 “Jesus sê ‘Sit jou swaard terug in sy plek, want almal wat na die swaard gryp, sal met die swaard omkom”
- Jesus voor die Joodse Raad 26:57-67
V63 “Jesus het nils gesê nie”
V64 “Is jy die Christus, die Seun van God? Jesus antwoord: ‘Dit is soos u sê’
V67 “Toe het hul in sy gesig gespoeg en Hom met die vuis geslaan”
- Jesus word gekruisig 27:32-44
V41 “Net so het die priesterhoofde saam met die skrifgeleerdes en familie hoofed ook gespot: ‘Ander kan Hy red, maar homself … nie”
- Berig van die wagte 28:11-15
V12 “Die priesterhoofde het saam met die familiehoofde vergader en die volgende plan gemaak. Vertel: ‘Sy dissipels … liggaam gesteel.”
V15 “Hierdie storie word tot vandag onderdie Jode vertel”
C. DRIE TIPE MENSE volgens DIRKIE VAN DER SPUY
Herlewingsfees op 24 Januarie 2010 by NGK Moedergemeente Secunda; 1 Kor 3:1-4, 11-15
i. Wêreldse mense – ongereddes; EK is op die troon; Christus is buite sirkel (lewe)
- Eie natuur heers
- Nie wedergebore
- Nie in Christus
ii. Wêreldse christene –gered met skade; babas op melkkos; Jesus binne sirkel (lewe) maar EK is op troon
- Eiewillig – EK is op troon
- Afgode
- Sonde
- Vrees
- Onkundig
- Nie Gees beheersd {KEER profesie, in plaas van dit te KEUR}
iii. Geesvervulde christene – gered met loon; wandel met God
- Groei geestelik (gee; uitreik; raak mense aan)
- Bybelstudie
- Gebed
- Hoe word ek vervul? Kies vir Gees/ Jesus, vra net (kies teen eie EK). Wat God sê is belangrik, Sy wil – “jul sal my getuies wees”; bly gehoorsaam ,volg Hom!
Open 3;20 “Kyk, Ek staan by die deur en Ek klop. As iemand my stem hoor en die deur opmaak, sal Ek by hom ingaan en saam met hom feesmaal hou, en hy saam met My.”
Joh 1: 12 “Maar aan almal wat Hom aangeneem het, diè wat in Hom glo, het Hy die reg gegee om kinders van God te word.”
D. OP SOEK NA GOD … BUITE DIE KERK? deur ANNES NEL
Onderstaande is aanhaling uit bogenoemde boek:
“Die ware Kerk van Christus bestaan nie uit ‘n spesifieke kerk nie. Die Kerk van Christus bestaan in die harte en lewe van God se kinders regoor die wêreld. Daar is ‘n groot verskil tussen ‘kerk verlaat’ en “Kerk verlaat”! Eersgenoemde is nie altyd gewens nie, maar ook nie altyd ongewens nie. Laasgenoemde is ‘n doodsvonnis.Die groot kuns sal wees om ons mensgemaakte kerkstrukture ‘n weerspieëling van God se Kerk in die breë te maak, sonder kompromieë. Dan sal daar dalk ‘n meer herkenbare ooreenkoms tussen die lyste van kerklidmaatskap en Kerklidmaatskap wees (Respondent)”
E. PLASTIEKKANSEL CD deur PROPHET
(Koos van der Merwe, Theo Geyser @MAR Gospel Music Publishers)
2 Tim 4:3, 4 “…want daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle’n menigte leraars sal versamel volgens hulle eie begeerlikhede, en die oor sal afkeer van die waarheid en hulle wend tot fabels.” Prophet se vertaling: “In die laaste dae sal die tempelmafia die ore streel & harte in plastiek verander…”
Plastiekkansel (woorde van liedjie)
“Plastiekkansel, plastiekkansel
Die kansel van plastiek
Die half miljoen se akoestiek
Die kleredrag boetiek
Interieur uniek
En tog die hart is siek
Sukses met statistiek
Stygend is die geldgrafiek
Die preek is byna kanoniek
Met afgeronde retoriek
En tog die hart is siek
En hoor die gees musiek
Met metronoom gekliek
Niks is hier mankoliek
Niks is hier eksentriek
En tog die hart is siek
Hoor die Heer se repliek
Hoogmoed in die heilsfabriek
Verborge foute so klassiek
Die sonde is antiek
En o die hart is siek
Want harte is nie reg nie
As harte nie gebreek is nie
En harte is nie reg nie
As dit nie broos en week is nie”
